სამეფო ოპალი
შავი ოპალი, რომელიც 14 წლის განმავლობაში ავსტრალიელი მაღაროელის, ბობის მფლობელობაში იყო, ამ თვის ბოლოს პირველად იქნება წარმოდგენილი ლას-ვეგასში, სასტუმრო Wynn-ში გამართულ მაღალი კლასის სამკაულების გამოფენაზე Couture. ვარაუდობენ, რომ მისი ფასი $3 მილიონს მიაღწევს.
Royal One-ად წოდებული, 306-კარატიანი, საიუველირო ხარისხის შავი ოპალი ზომით თითქმის ორჯერ აღემატება 1938 წელს ნაპოვნ Aurora Australis-ს, რომელიც 2005 წელს $1 მილიონად შეფასდა.
„Royal One“ 1999 წელს, ავსტრალიური ოპალის მექაში, ლაითნინგ-რიჯში აღმოაჩინა მაღაროელმა, რომელსაც სურს, რომ მხოლოდ სახელით — ბობით იცნობდნენ. დაუჯერებელია, მაგრამ ბობიმ ქვა ავსტრალიის უდაბნოში მაღაროელად მუშაობის 40-წლიანი კარიერის დასრულების შემდეგ იპოვა. სწორედ დაუმუშავებელი ქვების სულ ბოლო ვედროში აღმოაჩინა მან ეს საოცარი საიუველირო თვალი.
„Royal One“-მა ჯეტერის ყურადღება მაშინ მიიპყრო, როდესაც მას ოპალის მომპოვებელთა ჯგუფი დაუკავშირდა, რომელიც აშშ-ში ოპალის ელჩს ეძებდა. ჯგუფის ერთ-ერთი მაღაროელი სხვა არავინ იყო, თუ არა ბობი. ქურდების სამიზნედ გახდომის შიშით, ბობი ქვას 14 წელზე მეტი ხნის განმავლობაში საიდუმლოდ ინახავდა, შემდეგ კი იგი ჯეტერს გაუმხილა და შესაფერისი მყიდველის პოვნა მიანდო.
ჯეტერი „Royal One“-ს აღწერს, როგორც „სუნთქვისშემკვრელად ლამაზ ქვას მდიდარი, სამეფო ლურჯი ფერით, რომელსაც კიდევ უფრო აძლიერებს ქვის ბუნებრივი და ტალღოვანი ფორმა“. მის სილამაზეს ემატება ის, რასაც ჯეტერი ქვის ზედაპირზე მოლივლივე მწვანე ნათებად მოიხსენიებს. „ფერი იმდენად კაშკაშაა, რომ ქვა სიბნელეში თითქმის ანათებს“, — ამბობს ჯეტერი.
ჯეტერი ცნობილია თავისი ულამაზესი ოპალის სამკაულებით და მან თავის მისიად აქცია აშშ-ში ავსტრალიური ოპალისთვის სახელის დამკვიდრება. მისმა მხატვრულმა და დეტალურმა დიზაინმა მთელ მსოფლიოში მიიპყრო დახვეწილი სამკაულების მცოდნეებისა და არაერთი ცნობილი ადამიანის ყურადღება, მათ შორის რებელ უილსონისა და კრისტინ დევისის.
ის ფაქტი, რომ მას „Royal One“-ისთვის მყიდველის პოვნა მიანდეს, ადასტურებს მის რეპუტაციას, როგორც მსოფლიოში ერთ-ერთი ყველაზე ინოვაციური და კრეატიული საიუველირო დიზაინერისა, რომელიც ოპალზე სპეციალიზდება.
კეტრინ ჯეტერისა და „Royal One“-ის შესახებ მეტი ინფორმაციისთვის ეწვიეთ მის ვებსაიტს აქ.
